集體回憶

要在此多謝feli幫我們買了今場飛，是他不停地打電話而換取的。雖然是$200飛但$100位，但是，氣氛也沒有減少。反而人在高處更加清楚望到整個場的反應。又要多謝billy送我他的面具，令我可以儲齊兩款。
唱了好幾只新歌，觀賞他們都有心思的舞步，氣氛也一流。今場的"廁所位"就是古巨基出來的時候，我雖然沒有離坐，但卻忙著SMS了解今晚F1的賽果。不滿意古先生不願唱自作多情，難道沒有預備的就不可以唱嗎?
最後聽罷他們訴說他們的關係，由最佳拍當到最佳損友，好像有點兒可惜。但其實，要做一世子的朋友，也真的不易。
集體回憶‥80年代實在有太多的回憶‥所有的好歌、好節目，都是發生在80年代。其實是因為當年正是年少的時候?還是現在所有事其實都變了質呢?
以往買過很多的CD，今日發現，我擁有最多最齊的除了Beyond外，便是許志安以及鄭秀文。

ps 有幸今場光仔在場，可惜始終未能認識German的大痺。

其實杏色總要加橙

葛: 講番dd軟硬天師

葛: check two 三 three 我地開始

葛: cr開咪最後卒之爭dd

jan: 其實每碌腸要拼煎蛋

jan: 其實杏色總要加橙

jan:一莊一閒咁先至好玩

因為今晚去軟硬演唱會，所以要先聽聽新專輯。第一次聽的時候覺得很不對勁，好像什麼也沒特別似的。再聽第二三次，才發現編曲不錯，而賣點依舊在歌詞上。比較喜歡的歌有軟硬、Fantastic、係咩唔係喎。從歌詞中看見他們解釋他們是友非友的關係，亦都可見到一些回憶。

當年中一中二的回憶‥

還記得有人常在夜晚電話中唱出:OH MANDY! OH DEBORAB!OH JULIA! OH JANE!常常徘徊 在我心底 I WON'T FORGET YOUR NAME WON'T FORGET YOUR NAME‥不知道當事人現在身在何處了。

當年Grade 11的回憶‥

還記得我第一位加拿大好友的電台卡式錄音帶，全部都是老人苑的錄音。當年我也聽了無數次‥

第一次接觸軟硬，其實是聽張麗僅節目而認識。還記得呀葛報導交通、他們教英文、鬼故(次次都是說塘福)、玩電話、等‥所有像是很遠卻其實原來沒有忘記。

今日既然是回憶日，便在家中尋回一些軟硬的舊書，其實都不是一些，因為有幾本關於鬼故以及教英文的已經在某一次搬家中棄置了。只留下一本軟硬漫畫。當年因為CR2的流行，還擁有其他電台DJ的故事書(包括無何奉告、小男人、給23的遺書等)，想當年都算是CR2的忠實Fans。

今晚的嘉賓是古巨基，不喜歡。都不是同一個年代，而且，他都不是老人苑的會員。

嘩個世界變到變到冇唱片店

嘩個世界爆炸爆炸晒港產片

嘩個世界會唱會跳相當罕見

來吧讓軟硬軟硬捍地球 Long time no see

Secret House

今日與小朋友一起去九展參觀了Hello Kitty Secret House展覽。每一位入場人士可以得到一個小袋子連襟章以及一本場刊。因為帶同小朋友的關係，我得到了2個黑色(成人)以及一個白色(小童)款的袋子。全場不准拍照。但是因為小朋友實在太可愛的關係，多次都被在場工作人員的攝影機拍下。場內有多款與一起Interactive的遊戲。其中一個是要叫睡覺去，還有一個是與拍照，在場外可以用$50購買。雖然其實相片很朦朧，但我都是付了錢當作買下一個記念。總共買了$500的記念品，再計算之前網上認購的特別版公仔以及Netvigator、Laosmiddle的Crossover公仔、大新的禮品、mtr的印仔，因為這Secret House共用了3千多元，真的花費不小。
暫時看看今日的收穫吧!

高登力量

無聊的時候喜歡上高登，因為人流極高，貼文的速度極快。如果想知道當日有什麼大新聞，可以先去高登走一回。
今早看報紙頭條有關年輕人在網誌中描述自己吸食毒品的種種，文中提及網誌的事已被討論區廣泛討論。我當時已經在想，不會又是高登吧。
回到公司看罷Yahoo!新聞走上高登，果然，真是出於高登人的文章。
原來真的有很多記者瀏覽香港各大小的討論區，一發現新聞話題便加以報導喧染。有時可以連出外採訪也可省回。好像以往一本便利就最愛長註she.com，一發現網上交友易墮陷阱等的文章，便會大肆報導。
其實再細想，一個人的網誌都可以成為頭條，到底是今日沒有什麼大新聞可炒作，還是記者編輯門真的覺得那是一件大事件?(請留意，今日星島以及東方也有報導有關新聞)

高登的會員很有創意和心思，就他們的改圖創念、故事作品、網路知識等，可知道他們其實也並不是普通的所謂"吹水"網友。有時心情煩躁的時候，等一等，上一上高登，心情也會愉快不小。

近日比較鬧得熱烘烘的是有關各有趣常用的icon的註作權應屬誰的貼文。很多有創意的會員把那些icon轉化作商品，有衫、杯以及比較有特色的豆豆cushion。 其實我相信如果有一間專門店，銷售情況也應不俗。至少人流旺盛吧。

差點忘記，高登人另一突出的作品便是在香港網絡大典中的文章。那裡簡直是一個Real Time Golden Museum.

官腔會計師

今朝到中央圖書館上了一堂講座。講者是兩位代表公會的會計師，講解有關一份新修定的文件。我，一個平凡沒有會計經驗的人，已經很努力去令自己投入。可惜，講者實在是太出色了。令在場人士一見到屏幕的"BREAK"字便紛紛起身‥

到問答環節，令我見識了比政府更官腔更不知所謂的對答。原來，我們是不可以信賴專業的會計師的，因為，他們根本不會作任何的承諾‥

與上司討論今日的講座，他最後說了一句:其實我們部門絕對不官腔

回想以往在工程界的經驗，是否也可像會計師一樣，沒有什麼是"correct"，不須要"certify"，不能說"true & fair"‥?!

生兒育女(二)

又或者，不久的將來我會告訴大家有喜。

但是現在，無論身心環境內外都並未準備好。

有一個朋友對我說，兒女是我與另一半的事。如果雙方都並未準備好，就不要隨便的帶一個人到世上。你帶他到世上就要負責給他最好的。

數日前在高登看到一個討論，話說有一個婦人知道肚中的6個月大小孩心智會不健全，醫生建議放棄了那BB，那婦人也有此打算，雖然心中極度難過。那婦人的朋友卻罵她不該，應該留下小孩。討論區的人開始議論應如何做。這是一個很好的論題，因為根本沒有對錯‥

剛巧今日有網友對我說，如果無論將來的小孩身智心理如何我都肯承擔而又無怨的話，那麼我就是已準備好。

兒女是一個責任、一個承諾。一個比結婚更大的承諾‥

到底要怎樣的準備呢?我，又會否真的去準備呢?

生兒育女

昨晚被人摧生育。
如果5-6年前問我會否要小朋友，我會回答你"一定會"。
你現在問我到底會不會生育，我會回答你"暫時不會"。
我知道，要在年輕的時候生育，因為當你年紀老邁的時候，生理根本不會理會你所想的，就算真的如你所願，你也沒多大的精力去應付那小魔怪。

**
但是，我真的不想。
可能，我實在是親身經歷過太多有關生育以及孩子成長的問題，反而令我卻步。因為我知道並不是想像中的容易輕鬆。
問有孩子的朋友因何生兒育女，令我覺得最有說服力的答案是因為要一個完整的家庭。其他的什麼可以有個伴、開心些、對身體好些，通通都是自私的理由。完整的家庭的定義是有爸爸媽媽以及小朋友。那麼，一對夫婦就是否不可以叫作一個家庭?

**
曾經有個想法，如果我真的怕年老時會悶，那麼我便要寵物吧。反正養寵物的時間精神也要很多。 我的想法是否很奇怪。難道不可以沒兒沒女嗎?難道一定要生育才算是完整家庭、才算是好女人?

沒有電話的日子

公司今日的所有電話壞了，嚴格來說是電話公司出了問題，

可能九龍凔的機樓昨日受冰雹擊中。 廣播傳來管理公司負責人的公告，

告知我們管理處的電話壞了，如有須要請向管理處求助。我們一聽到那廣播之後，紛紛作出了很多的提問，我們公司的電話也是接不上，有意外時到底如何通知管理處?

***
沒有電話的日子，其實也不錯。熟悉我的朋友應該知道，

最有效聯絡我的方法一定不是電話。記得以往在加拿大的時候，

每當聽到電話的鈴聲我就會感到很厭煩，特別是那些像是誓死要我接聽的來電。

對不起，你越是緊急，我越是不聽。以往來電顯示還未普及時，有很多電話也不能避免。

我就只好用電話公司提供的"來電是那位"服務，即是我只要打一個特定的號碼，

便能知道對上一位致電給我是誰。好朋友們也知道我的這個習慣，也熟練地只會響一下就掛線。我要回便回，不回的，你用令一個方法找我吧。

***

手提電話開始流行之後，我就靠來電顯示隔離所有不明的電話。

我現在是不會接聽任何沒有顯示的電話的。就算有顯示，

若非我熟悉的人，對不起，請你下次再來電吧。

***

近幾日保險經紀不停致電給我，我已經在電郵中稱會以後再聯絡他，不知道是他沒看電郵還是什麼的。如果他再繼續歇斯底里的找我，後果只會得一個。I'm Sorry~

書、鏞記、返工去

星期六去了書展。今年應該是我有史以來逗留最短時間的書展。因為還有數量不少的未開封書籍在書架，所以只是買了一本有關中國旅遊的簡體書以及大口仔書。眼見好多人都是背負一個袋手拖一個大袋，我真想知道到底他們買了什麼書籍，到底要用多少時間看罷所有書，到底，他們的家有多大地方容下所有書籍。

星期日夜晚與由多倫多回港的親戚到鏞記食晚飯。中菜方面要美味有特色的始終都是鏞記最好。不過是晚的皮蛋沒有以往那麼好吃。海參扣以及油皮真是人間極品。吃著蒸東星時令我想起，西苑酒家，一間自稱為有名的酒家每次蒸魚也不熟，其實那些所謂大廚是否要去再培訓?
實在是吃不下的關係，今日的午餐及晚餐都會是荷葉飯和桂花炒魚肚。差點忘記，早餐還有蛋撻和米糍。

星期一心情不好，昨晚發了數個都是關於工作的夢，令我今朝一早就不想起床返工‥

車禍

昨晚道別一位同事，因為她喜歡日本菜，所以我選擇了中環的Miso。可能是市道復甦的關係，第一次遇到坐無虛席的場面。價值$388的二人套餐雖然很吸引(我曾經多次惠顧)但份量實在驚人，我們只好從餐牌揀選了7道菜，包括鐵板燒羊架、牛舌、一口牛柳、凍豆腐、吞拿魚壽司、魚皮壽司、以及松葉蟹壽司。一邊吃一邊暢談，原來才發現我們也有數不完的話題。

最感興趣的，是她對我說了一個真人真事的迷幻故事。
*************
有一次她要從美國的一個省搬往另一個州，駕駛著男朋友的車子途經一條高速公路，當時正值日照時份，天朗氣清，男友坐在身旁。突然電光火石之間，眼前出現了一遍草叢，然後就不知道自己身在何處。到醒來的時候只感到身上有很多的毛毯，身旁的護士告知是她在昏迷期間要求的。當然，她對之前的所有也很迷茫，只記得在撞車一刻耳邊傳來兒童嬉鬧的笑聲，之後便是陣陣的氧氣味道，以及感到被人搬上搬落。慶幸的是她身體上沒有很大的傷勢，除了眼以及面部腫脹了近多個月之外。男友在撞車一刻因為沒有扣上安全帶而被飛出車外，幸而只是皮外傷。
事後從警方得知車子撞上了公路上隔離對頭行車線的草叢，從輪胎而見好像她本想要轉彎駛入一個路口似的，車子期後在草坪上打滾了數圈，所有行李物件也飛彈出車外。她本人即時昏迷，面上是鮮血，有途人報稱以為駕駛者已身亡，其他途人替他們拾回所有的行李，除了放在前坐抽屜內的一本聖經之外。因為男友每一個星期一也要上團契，所以長期都會放一本聖經在抽屜內。
從其中一個當地人他們才得知，原來在同一個地點同一個月內已經有三單類似的交通意外。第一單涉及一個在美國讀書的外籍年青人，第二單涉及一對老夫婦，第三單便是他們了。前兩單意外都沒有生還者‥
她告訴我從此以後也不敢再駕車了。

我不能確定她的遭遇是否因為那一本聖經而改寫了結局，我只知道，原來一場車禍發生後可以對當時人有那麼大的影響。慶幸的是沒有涉及人為傷亡，真的不能相信如果因為自己駕駛不善而令到其他人身亡的時候，那影響會有多深遠。

期望她早日回港，與我一起吃盡香港的日本菜。

出書

從Yahoo!新聞內看到一篇為"$100做作者"的報導，

得知香港有一間公司可替普通人(小作家)出版書籍。

最小的訂單可只印整一本作自用。記得以前也曾見過類似的報導，

只是當年的我沒有什麼著作，提不起興趣罷了。

寫日記的習慣始於中一，不知不覺己有十多本日記。

還記得當年的日記全記載著學校的逸事，

到後來感情生活開始充實的時候，日記便佈滿了無數的「情」字。

因為工作上的需要，漸漸變成用電腦打字還比用筆錄方便，

開始以網上日記取代了紙和筆。也不確實記得最後一篇用筆寫的日記是何時了。

如果我日後真的有機會出版自己的書籍，一定會輯錄我的旅行遊記，

以及精選以往曾經寫過的詩、歌詞、網誌、甚至是相片，

再以粗糙的畫功加插一些圖畫。當然，最理想還是可記錄各友好們替我寫的序。

Yahoo!

也不知道何故會對新聞特別有興趣: 習慣了在家觀看香港早晨、習慣了在車上看頭條日報，習慣了在公司看Yahoo!新聞‥

從頭條日報我知道鍾情的Burger King將會在山頂開設第二間分店。終於，我不用再等每次出境的機會才可以品嚐小皇牌的味道，終於，我不用每次在外地盡情地吃小皇牌了。這是今天的一個重大發現。

又在頭條日報得知Yahoo!現推行拍賣商店的計劃。即Yahoo!Auction的會員可申請建立自己的網絡商店品牌。回到公司第一件事就是研究這個網上商店計劃。其實我從來都不是賣家而只會做買家，因為總覺得利潤很小，而且，實際的買家其實不多。香港網上購物拍賣的網站不是有很多:點點紅、ebay、Yahoo!、review33等，到底賣家的利潤有多小呢?到底在香港辦網上商店可賺取多少利潤呢?
前陣子與相熟的售賣Kitty精品的老闆閒聊，他告訴我他也是Yahoo!的賣家，而買家方面竟大部分是來自日本、台灣以及美加。今日其中的一單新聞涉及一對姊妹在網上售賣盜版日本劇。我相信，網上拍賣商店其實是有其可塑性的，要有利可圖的話就要看貨物本身的吸引力吧。

Yahoo!又再不知不覺地改版，舊有的科技新聞歸入去生活，而取而代之是新加了人氣以及視像。相信Yahoo!不甘被Youtube獨佔29%的網上視頻搜尋業吧!

Laosmiddle

有冇人係Laosmiddle既member呀???!!!
唔該...係既...msn我呀~~~

又一次..衰係佢手上

唉..尋晚搭正12點就上網買飛去kitty show喇..都唔係12正就有得買既..不過anyway...去到買飛個頁..唉..唔襟又襟就tick埋買limited個只公仔..$800..其實..又唔係真係貴既..因為平時個d kitty goods封面公仔都試過七百幾蚊只..呢d仲要係limited 喎...well...
買左29號去個show呀.不過又唔比影相既..都唔知去做咩鬼..haha

下week大大老闆放完假返..睇怕都冇咁free..佢最like用佢只老鼠眼周圍望..樣衰..人衰..行路都衰過人..哼..見佢後面僧佢前面個d呀

今朝睇新聞..尋日單巴士交通意外都幾恐怖..我而家日日都係搭巴士..都係買埋意外保險好d..

無聊係ng睇人講out of body..諗諗下..唔通我以前個d俾鬼責既experience其實係out-of-body既先兆??!!

Kitty Secret House

原來唔係好多人日日都搭地鐵...唉..個死人 Secret House野..搞埋咁多cross over promotion..好喇..又同mtr搞埋喇..家陣叫我去邊搵人星期一到星期五搭total10次呀~~~
唉..仲要係7個weeks tim..即係叫我去死姐..黑人僧








講開kitty..星期六去左食mcdondon...咁叫左一個set同chick wings加一杯coke喇..個好叻既收銀姐姐..要我地不停落左幾次order..佢都get唔到係要多一杯coke..真係想死..finally同行頂佢唔順..發火喇..佢仲唔識say sorry...叫經理喇..初時個經理想冇件事..係咁易..end up..就死死氣咁..俾埋d free 包包coupon我地解釋喇..原來..惡先有用架~~~

係golden見到呢個post:
"麥記最on9服務:
唔該1個8號餐可樂走冰拎走...
店員:係 1個8號餐...飲咩?係度食定拎走?"

到底..係點training架??!!

Superman

原來天文台準左..不過係幾個鐘之後..尋晚又黃又紅又黑我都唔知..訓得幾開心呀..等我陣間睇返新聞到底有幾勁先~

下week又到書展..唔知幾時開始年年都會去..最初真係買好多書架..特別係mcmug個d喇..因為佢書展一定出新書既..點知..過左幾年之後..個booth由sell書變左sell文具精品公仔..唉...好失望囉
今年去又買咩書好呢..

尋晚睇哂d superman cartoon喇...出版商冇再出新既dvd..我地點睇呀..batman又睇哂..superman而家又睇哂..全部都未ending既..唔係真係要睇justice league麻...小朋友一家人會去LA..好唔好叫佢去Universal幫我買呢..hehe~~不過我驚end up係佢地自己睇唔係俾我囉

金輝幾good

今日成班朋友同事黎..叫左金輝外賣..又幾掂喎..小朋友冇成成 殺到..不過一見到咁多人又怕怕羞咁..要係房唔出黎
玩左成個下午..我諗大家都ok盡興啩..有個小朋友學完畫畫再黎..睇完superman就打機..一見com用既角色win左..就要用佢..end up..係last一round..佢win 左喇...好勁..係佢自己形容自己既~~

夜晚睇qualify食金輝again..我諗以後都成日會叫delivery

天文台之前猛講到今日會好大雨又呢樣個樣..好在佢又唔準姐..唔係我d朋友實唔黎呀~

屋企病假日

尋日一放工就執屋..因為有同事仔會聽日黎做家訪麻..點知..今朝沖完涼預備換衫既時候肚痛..仲要痾痾...唉...點搞架..咁..就係屋企休息一日喇..都唔知係食錯咩..死..岩岩飲左水..又似黎料喇~~~

呢幾日個天咁熱.真係令人好辛苦呀..可能幾年後香港就會有成40度呀~~~冬暖夏涼..四季分明..冇咩可能喇

其實留係屋企冇咩著數架..天時咁熱..電費會加多d架..所以返工都有返工既好既..不過就..唔好遇著好似另一個部門既同事咁慘冷氣壞左hihi囉~~

又出又入個廁所先寫完呢篇blog..真係苦呀!!!

你養唔養狗?

尋日知道左有個舊同事將會跟佢honey離開hk..一方面開心喇..因為係一個好機會麻..另一方面當然係唔捨得喇..雖然唔同公司之後都唔係成日見...但係..都有個份感情架麻...話哂當年都日日一齊lunch..一齊kookai..一齊starbucks架麻..

尋晚學人睇住只dvd 跳舞..哇..我呢d十世唔做運動既人..一做..死得喇..10分鐘已經好tired喇..好在冇去join人地個d咩course姐..唔係..就waste $$ 喇..我諗都係等我自己跳下先...練d氣先join出面個d

今朝係報紙見到有廣告有幾只toy poodle..好cute..隔離個人好似又唔係太抗拒wor..唔通我又可以要只poodle instead of pom? 不過..其實..養狗仔呢家野..都係諗清楚d好d...雖然我呢..其實好想要只bichon..不過冇地方喇..而且..佢地都幾大只..抱抱都幾辛苦..松鼠其實唔係最愛黎架..只不過佢地夠細只..真係好似一只波仔咋..約瑟我都好like架..不過..成日覺得佢地好濕咁..hmm...都係自己發下夢好..養一只狗既責任同時間都好大好大..諗諗先..

近來的的既身體好似差左..氣管問題仲serious左..都唔敢同佢玩咁狂...畢竟..佢都係一只8歲既北京狗麻...但奇就奇在..chin chin仲好精神好活躍..不停跳同跑..大家個nose都係咁平姐..又係同年紀..又會差咁遠既..

KittyBrick

尋日一早就買左成set喇~~有個袋有coupon咁囉..原來都幾大只架..唔捨得unpack呀..本身仲想放佢地係透明膠箱..而家唔得lu..睇怕都係放埋一二邊..屋企..冇位.. haha~~

Happy Birthday at Disney

星期日既生日會同幾十個小朋友一齊玩同食..都幾ok喇
Disney對於呢個party就安排左有兩個生日蛋糕係房
因為係用毛巾同冷整..



所以可以隨意調動d字同擺設



因為想方便小朋友出草地玩..所以就book左snow white ballroom..其實個場都好細..放10張tables都極極極限..食物就係buffet形式..係隔離房..都幾good架..有個白choco同黑choco既fountain..last d人走哂既時候我直頭企係個fountain前慢慢食choco strawberry~~~ ^^

本身都以為d小朋友會好悶..因為個bouncy castle壞左..而且早上落過雨..冇得去玩..點知個兩個entertainer (clowns)又好掂..d小朋友都玩得好開心..最happy既時候就係mickey同minnie黎既時候喇
本來叫哂佢地係ballroom..而mickey同minnie就係foyer同主角同家人影相先..點知d小朋友收到風..就飛快咁全部失控走哂出去...hmm..原來..d老鼠既威力真係幾大..就算之後donald同daisy出場..d小朋友都冇再出現好失控既情形..灰姑娘直頭係最唔受歡迎喇by comparison..不過其中有個男仔小朋友就好like 灰姑娘.不停同佢傾計..最後仲俾左個kiss佢tim...而灰姑娘又真係幾靚..而且好nice又肯同人傾..唔似其他d characters咁.只係會hug同用手擺出唔同既posts...所以我都主動咁搵佢影左相..haha~~

生日蛋糕有成3個:

呢個係disney既..幾好食..







呢個冇左只眼既cars係trystin既(唔知邊個咁破壞咁一野食左人只眼)..出面整架..只要俾實物佢地就可以原只做左個cake出黎









呢個好正...條裙仔既cake黎架...有人食左話味道都幾好架







個party係4點幾完...之後我地就開始真正食野..搞到成5點幾先走呀~

最unexpected係..d食物可以包走..我尋日都係食buffet既leftover呀~~~

d staffs可以話係我係disney兩日內遇到最好既..都好主動幫我地set野問有咩要幫手...

你問我有得choose會唔會係disney搞婚禮..well...錢唔係問題既話..個場個ceiling height好高好perfect..食物都幾good..不過就...搵characters影相呀個d呢..就好多限制囉
[mickey & minne唔肯入ballroom因為個backdrop有佢地個樣...又唔會同你cut cake..同你食野囉..佢地..就活生生係一個活動佈景板..]

個個要見...喇...灰姑娘呀

Hong Kong 好 GOOD 既 Disneyland

勁想訓呀~~~好晏訓呀~~~
zzzzzzzzzzzzzzzzzzzzzzzzzzzzzzz
一早返公司唔見人..早知都請假喇..老闆唔知去左邊度喎
尋晚場波..幾唔想佢加時呀..本身已經好想訓喇麻.又唔乖乖地入多球喎..其實邊個win我都冇所謂..不過球王個招頭頂胸就好令人費解囉

因為唔rem upload disney 既相..咁就不如講左d唔駛要相既野先喇

星期六係深井食完燒鵝同發記之後就去Disneyland Hotel..姐夫己check左in係最高個陣...要key先可以襟制上7樓.以為佢好high喇..點知..間suite唔覺佢好大囉..at least sure張床唔係大只係高..個廳同toilet都係普通姐..可能只係一間普通的套房而唔係最勁個d啩
之後到我地check in..終於見識了點解唔係咁多人like disneyland ..係hkdisneyland先岩

____________________________
係lobby接左家姐同細佬仔.咁個d hotel人就話可以上埋去7樓check in我地另外兩間房..一齊全世界上去7樓個lounge喇..咁家姐咪叫佢check in埋我地既房囉..事情既流程係咁既...
以下係supposed to be good manner 既hotel人同家姐既說話
[俾左2個人既id佢 ]
女人: "冇佢地個名...應該唔係用佢地黎留房既"
[收返d id]
家姐: "用我account 同booking # check喇.一齊book架麻..冇咩理由check唔到姐"
女人:"d房間已經check左in囉wor"
家姐: "下??人係度wor"
女人:"有個xxx (讀音姓氏都錯)已經check左"
家姐: "佢係我先生..咪已經check左一間囉..咁你only俾佢一間room key..total有3間房麻"
女人: "".." [好似好勁咁不停襟個keyboard..唔知有幾多record佢睇][一邊稱已check左..又稱冇其他房]
家姐: "你叫xx [ HR人]黎喇..我唔同你講喇"
女人:"6樓既房應該係下面check in 喎"
全世界: "你d同事叫架..你有冇搞錯..check in都要咁耐..."
女人: "唔好咁..都係黎開心姐"[語帶悔氣...]
終於迫我出聲:"喂..係你地搞到我地唔開心..唔係我地喎"
女人:"有喇..不過係用另外d人既名..叫betty yung" [言下之意係想講我地一早俾錯id佢.所以check唔到]
家姐: "係..betty係我朋友..佢都check左喇..我地係另外仲有兩間"
[唔知搞左幾耐...中間又有另外既staff問我地幾多人係個lounge度..room number係幾多..當然俾我地鬧喇]
女人: "有喇..不過係用alan wong..同young xx"
家姐:"咪係頭先既id人名囉"
女人:"咁係只用alan wong唔係用wong xx.." [大姐呀~~~個id係wong xx, alan架..家陣你以為你係空姐...搭飛機要check full name咩??"
[佢冇解釋幾時另外一個young xx既名又會有record出返黎...]
女人:"咁我用返alan wong 喇..因為book既時間係用佢既.."
[係唔係有病定係佢未見過hkid呀~~~根本係同一個人..]
終於...HR人黎左喇..個人再唔敢亂講野喇..搞左成半個鐘先掂..end up仲要講因為係6樓既房其實係下面check in會方便d...etc etc
____________________________

呢件事之後..我地個個對disney既印象已經極度唔好..我從來冇試過有booking number有人名都可以check唔到in..佢不停讀錯人既姓..發音錯..連人既姓同名係咩都搞唔清..態度又惡劣...借問聲叫人點係佢度尋開心呀~~~

好不願意既情形下我地入左park..好熱好辛苦..小朋友其實都唔係第一次去..所以有d想係room睇disney channel多過出去

5點幾先入去..因為小朋友係買左450既pass..咁個entrance哥哥講左不下5次下次一定要帶id先可以入場...直到我remind佢"你已經講左好多次喇...我知架喇.."佢先識收聲唔講.. >.<
又一煩人...

玩左buzz..haha..我勁喇..第一次玩有level five呀...之後竟然俾我地遇到trial run lilo & stitch..係interactive既show黎架..都ok架..不過我諗我地個兩個小朋友唔明囉

睇埋golden mickeys同煙花都夠鐘lu.想買野都冇野買..唯一就係買左80蚊既buzz popcorn喇..鬼叫有個細佬好似好肚餓咁咩..之前又唔俾佢買玩具..=p

差唔多9點返到hotel..食中菜...d食物ok架..係d service姐..好似大陸咁..叫佢..應你..不過唔做..end up我樣樣自己做..搬chair喇..set utensils喇..沖水喇..我以為我去左美心囉..明明眼見好多waiter..係唔知佢地做緊咩姐..次次要我地鬧佢...佢d 好似senior d既先會出聲叫d似trainee既物體理左d客先囉

唉..就係咁..first day in Disney就係咁過..肯定就唔係good memory喇..因為..冇理由會再去囉...

p.s.daddy想夜晚返home睇波..因為冇cable冇波睇...勁唔開心..

你今日google左未?

岩岩睇到單news..唔講唔得

"韋氏字典將小寫「google」定義成一個動詞字，解釋為「使用Google搜尋引擎，在全球網路獲得資訊」；大寫「Google」則是一個搜尋引擎商標。"

google將會or已經編入字典..係一個動詞..即係..
Google [v]
谷歌 [動]
例句一:
Are you googling?(喂..係唔係就咁add ing架..past tense係咩)
你是否在谷歌?
例句二:
Have you googled today?
你今日有沒有谷歌?
例句三(用於msn)
i google jor
我谷歌左

咁..幾時會加埋wiki..yahoo..我都成鬼日用佢個search個wor
咁..google earth..又當係一個名詞...即係...I am surfing at Google Earth? 定係..I google Google Earth?
haha~~


咁..幾時..youtube左..ipod左..msn左..??

好..又係我research既時候..睇下佢加左d咩新既科技字先..

好..新edit...from Webster:

google One entry found for google.
Main Entry: goo·gle Pronunciation: 'gü-g&l
Function: transitive verbInflected
Form(s): goo·gled; goo·gling /-g(&-) li[ng]/
Usage: often capitalized
Etymology: Google, trademark for a search engine: to use the Google search engine to obtain information about (as a person) on the World Wide Web

即係我岩左wor..googled..googling...

haha``..this is interesting:
Main Entry: 1ya·hoo
Pronunciation: 'yA-(")hü, 'yä-
Function: nounInflected Form(s): plural yahoos1
capitalized : a member of a race of brutes in Swift's Gulliver's Travels who have the form and all the vices of humans2 [influenced by 2yahoo] : a boorish, crass, or stupid person - ya·hoo·ism /-"i-z&m/ noun

yahooism...stupid person..haha~~~

枉費心機

唉...枉我仲特登整個nds game巡禮..轉個頭某某玩g6..好hurt呀~~~~
尋日又抽冬菇仔..total抽左過百蚊..好多只double中型size呀~~我要周圍吊先得..
睇magazine講去dubai做野..好多opportunity..construction特別多..其實..一直以來對dubai個印象都唔錯..如果future有機會..我唔mind去囉
尋晚食日本野..又係吉利喇..其實都好貴架..不過就食左salmon軟nose bone..幾好食..同我至love鰹魚喇~~成450呀..仲貴過我好豪咁食板前..不過..食既野就唔同d囉
今日去7仔買magazine..一心諗住都冇大口..就唔買g-zone住喇..點知俾錢見佢仲有係度wor..唔通未完既?

聽日同後日都唔返home訓..disney同world cup 日麻..死..真係要預備做好多好多防曬防熱死既功夫先得

Keurig - Kcups

今日要介紹俾大家既..就係呢舊咁既野..
office尋日黎左部brewer..大家都好有興趣邊個搞埋d咁既野..終於我今日問左人解開左個迷喇
出現原因:
好明顯係d大大大老闆覺得開會要有專人服侍沖正coffee..所以..唔知邊個咁叻就procure左呢舊野返黎
如何使用:
跟據pantry靚姐既示範..只須放一個杯仔既野..再襟個制..就會沖左coffee架喇..
何時使用:
有幸或不幸開會..而又有部咁既野係meeting room既時候..就可以自己去沖
再唔係..俾$5.2..都可以有一杯..

我..呢個咁死無聊既人..當然就要睇下..research下..到底係呢部野係咩鬼黎喇

Keurig係一間公司..專門出品brewer既..而K-cups..即係個d杯仔野..就係專利野..專門用係keurig既brewer上既..
我地公司個部野..係from jackel既..而jackel就只有provide Keurig x UCC既 brewer..所以..我地而家飲既..都會係ucc coffee..但其實..係有over 50個brands同keurig 合作既

個杯仔其實係mini-filter..睇張圖就明 ..個制一襟..咁就有水沖入去..跟住就咁filter左..再流出黎..其實..個原理可以話係簡單到無..只係.方便在..唔駛換filter紙..唔駛自己putt粉..唔駛搵水..而且可以個個飲既都唔同味

我..係唔係真係好死無聊呢..一部咁既野都可以research同blog埋.hehe~~

其實..係因為部機放左係一張勁ugly勁唔match既枱上面..而個張死人office desk樣既枱係會搬入去meeting room既..如果我係個客黎開會...係..係就好開心有唔同味既coffee俾我係break度飲.不過..係要我自己沖wor..而且..仲要企係張咁既騎呢枱前面..真係唔知有冇人做
我覺得..end up係我..呢d small potato..係break既時候幫哂所有人沖囉.. =.=

冇成成....

好晏訓..我又冇睇波..咩事咁想訓架..zzz
尋日去左summersoucing show..攞左好多free野..最開心就係tattoos喇..可以係今個weekend大排用場呀~~不過..好驚熱死人囉..慘

夜晚打左陣機又見sleepy..真係越黎越早訓呀~

今日放工本來要去個opening..點知今朝我小悔氣咁講我係530放工架..hehe~~之後老闆話我唔駛去lu..yeah~~~又覺得自己好衰咁..但..我..又冇ot又冇勤工又冇benefits又冇前途..點解要去喎
哼...我發覺今年我衰左好多..好多時唔做就唔做..可能知道真係唔會長久掛..

有人叫我一齊搞生意開鋪...hmm..開咩好wor..er...hmm...真係要做好多好多research同marketing先得呀

今lunch又pacific..yeah~~好正..

NDS GAMES

因為有人要買ndsl..我就係度介紹一下我有既game喇

第一只
Nintendog 上年3月左右買
當時係狂熱到every 1/2 hr就起身帶佢去街攞禮物..日日同佢玩..都keep左幾個月架

之後既..都唔記得個先後lu

Kirby
因為好似好cute咁..點知..end up冇咩點玩..但附送既pink筆就日日用

Sims- The Urbz
因為係sims既fans..都玩爆機架..ok喇

大合奏
個個ng既人都話好..咁又似下喇..其實都幾好架..因為d歌都認識既..不過當然就唔係成日玩喇

Meteos
正..一只我毒到人買既game..係旺角買..即玩..仲要係link play..歌正..畫面..game..咩都好好既game

Trace Memory
一直等us version..等到..玩左陣..都keep住玩左幾個weeks..之後就冇lu..其實個idea唔錯架..用盡nds既function架都

The Sims 2
呢只野就玩左一陣..haha..又係一陣..就冇lu..因為搞間酒店都幾悶..其實反而之前既urbz仲好玩

伍佑
呢只唔係我架..不過當然我都有係咁易玩喇..因為太多日文既關係..放棄了

Jump
呢只勁呀..估唔到自己都可以完成所有missions爆機..如果我玩之前睇左death note就好好多lu..好玩到有2只係home呀

應援
又一經典好野..畫面同歌好正..不過..只手好tired喇

Lost in Blue
又一只玩左好耐既game..好玩在有得捉魚捉動物..又要solve puzzle..又要執野又要cook野..玩到uncle mode..爆哂呀~

Bio Hazard
唔係我既不過我俾錢..玩左幾日..冇lu..

Puzzle Bobble
玩到手痛之後停左..兒時射波波..搵返下d memory姐

右腦爽解
photo hunt..又要吹又要畫..都爆左7788喇..冇繼續玩..因為ac麻

Brain Age
以為自己會keep住日日玩..點知..一個week之後冇玩..因為..又係死人ac喇

Animal Crossing
放咁後講因為毒得最勁既game..係日日都要玩..仲要玩左半年有多都唔停得呀..勁..因為佢..買左wifi..因為佢..買左攻略..因為佢..日日都要開機

Bomberman (no photo..因為都送左俾人lu)
同8人link play好好玩..唔係佢我上次macau之旅一定悶死..人地係sands玩錢..我地係sands玩炸彈

NSMB
我相信細個有玩過mario既人都會買既game..我仲成日哼住首歌架..dadadada da da dada..dadadada da da dada..link play搶星..mini games..正正呀

即係話..如果而家要我choose..我一定會買既係
nsmb..lib..jump..應援..ac..meteos..and nintendog ..
其他就..悶..又冇野玩..都好ok架
咁成日可以成班人玩既..bomberman la~~