新寵兒

我叫佢做冬菇仔..其實係日本docomo一只character..係日本既時候睇過佢既廣告..係sunshine city既info counter又有佢既出現..好cute
當時一見有得扭蛋就當然冇放過喇
係hk見circle-k有...haha~~合哂河車喇


我第一次抽中左最細個仔..幾唔開心呀..之後第2次抽左只大左既..以為係最大個只..點知尋晚再抽先知原來仲有只大d..
而家我有4只喇..仲欠2仔就一set..搞到個電話好重手

殺~~大開

尋日同人傾開先知原來好多人都有一只只野係屋企
一潮濕就會..
我尋日都小左d架喇..不過..當然仲有喇
今日會黎個大解決
殺死佢地..用煙霧殺殺殺~~~~
不過..我d kitty就要一齊吸個d野囉

最後的biu biu

今日一早係公司勁忙..冇停過
lunch之後就去左goodbyedear
monmon好可愛..好似訓左覺咁..d毛都係咁..成身好似細左咁..一見佢就控制唔度..
keep左佢一d毛毛做記念..d 火好大..第一次睇原來火化係咁樣
燒左2個hrs左右就返去睇..d骨骨好碎..biubiu得個頭既骨係原整d..同d牙..不過..好多都好似灰咁..
個老闆好好心機慢慢執...張相相好cute..係佢係vancouver既時候影架..
我諗..買波仔既計劃..都係暫時唔搞住喇...

又貴又唔好

咁辛苦周圍搵shirley temple..竟然話唔靚wor...>.<
我夠知道喇..我已經買最貴個件..成千銀既我都冇著過呀~~
早知唔咁辛苦搵喇~

又好晏訓tim..個天好似好d..冇咁黑喎..
屋企個toilet又有好多只野呀~~~到底係係邊度走出黎架
好驚架~~
今日放工要買去濕野先得..

去日本期間食得最多除左係飯團之外就係pepper lunch..真係幾好食..又大塊又好味又唔貴

巴士女人

今朝搭車成程車都有個女人不停咁講電話，冇停又大聲。好煩躁呀~~
其實佢唔係真係特別大聲..用normal大dd既聲加上成架車都冇人
自然就變左好大聲喇...我差d想俾張紙同佢講全車人都知你講咩

好在返得早..而家好大雨..係橫風橫雨個只呀

唉...明顯地我而家份工做多2年就冇架喇..真係要積極d搵工..

日之奇想

日本之行全程記錄要既就問我喇..費事係度copy & paste喇

一返黎睇ng..d人話日本人好好禮貌..一返香港就好大分別
well...我有保留

日本人真係咁有禮咩?我唔覺囉..只係d sales..服務員成日bow只係工作上需要姐..平時係街行既人..完全唔理你..唔讓..咁係有禮咩??!!

不過..有樣野真係...好嬲好嬲..係puroland..玩整金幣..找既錢...係....香港既5毫子!!!仲要係好事成雙!!!
當時..唉..可以有咩反應
hmm...我而家講左出黎..會唔會更加多左人咁做呢?!

想通了嗎

雖然尋晚都訓唔著，不過今日又好似諗通左咁
其實都已經14歲..即係人既90幾..都好老架喇..都算係笑喪既..at least唔好痛苦咁耐麻
不過..唔知星期四見佢最後一面既時候會點

今日返黎有好多野等我做..明明都留左email叫人搵其他人架喇..係都唔既..真係激死

寫完個日本diary囉..可以開始post喇

我既biu biu

要搵張相..望鏡頭好定係好慘個樣好d呢..
小biu biu...最like食cheese既biu biu女...
仲記得佢係vancouver既時候好活躍好開心..成日都唔返入屋..又同我玩雪..又like坐車車..但又成日會跌..最初返黎好唔慣..要同我訓..之後又好似不嬲咁自己顧自己

仲記得佢會自己訓入洗衣機..幾辛苦先叫返佢出黎
又成日係樓上唔知做咩wor



我其實知..總會有呢一日..當年popple太突然..而monmon就..
岩岩睇返佢同松松玩既video..佢當時好開心咁..係唯一一只佢肯同佢玩既狗仔..
一叫食芝士就自己坐流口水..一話坐車車就自己走出去

原來..同佢真係有好多好多回憶

而家睇返video..見popple我會笑..見monmon就又笑又喊..幾時我先會..見到佢地2只都會笑呢

係..monchu有時好lazy..塊milkbone唔係身邊就唔行去食..又成日自己同milkbone玩
佢真係只傻女黎架

我最鍚既矇矇..

當我仲打算一返黎就寫日本日誌既時候
當我仲係pet shop睇緊有咩藥既時候
當我仲係magazine睇到可以係美國訂wheel chair既時候

原來..所有都已經遲了

我知對佢係一種解脫..因為佢長期都好辛苦
但...始終...毫無先兆...叫我點好

對上一次去日本...win win死左..今次...7年之後..又再一次...
其實..我已經覺得佢唔知幾時會唔係度..所以我影相..特登同佢影相

The day before Tokyo

今日都係早d寫好呀..因為下午要開會..夜晚又要執行李喎..都冇時間呀
尋晚又好似上左身咁..10點幾已經見晏訓..11點又訓左..生活真係正常死

有件事要各位小心架..金鐘PP近日發生幾單西裝骨骨男人撞胸同影裙底既事件呀..大家一定要小心呀
據報個cheap人係著得好企理西裝人黎架...真係好一個斯文敗類同失敗者
呢d人應該唔只坐監,仲要出街先俾人打幾次..之後撞車半身不遂死唔去..仲有病發症..不過又冇人照顧..想死又冇得死呀~~~~(係唔係激左d??)

見到面前既野唔想做tim..諗起下年超級勁好老闆走左之後都唔知咩世界..真係..唉

我冇得留言架喇..直到星期一呀..睇怕我星期日夜晚返黎都冇機會寫呀..而且仲要睇f1呢..
下次就會係日本行既所食所買喇~~ (人地就所見所聞..我就係食同買)

再再~

夠訓...不過working mood唔夠

尋晚好早就訓左lu
今早起身雖然好精神，但其實又依舊唔多想返工喎
算喇，都係做下research for日本trip喇
點解我仲未有興奮既心情既呢

唉..岩岩同事同我講人手安排既問題..我就當然唔想放人喇..但明顯佢又唔肯俾我囉..好煩死呀~~
真係激死人呀~~鬼叫自己個個唔夠好咩

點好呢.working mood仲係唔見左..點算呀..

有時真係想唔做..但唔做可以做咩呢..唔駛食咩

Goal

好晏訓呀~~~
尋日2am先訓.一早d 雷又鬼死咁大聲wor..zzz

一早我有...pacific呀~~~ haha~~
不過..飲左都好tired..其實咖啡因對我黎講..係..冇影響架

今日個胃唔多ok..又死得

岩岩係pacific杯見到呢句野
"The most important thing about having goals is having one"
我既係咩呢...係唔係就係唔駛做係屋企呢..係唔係就係有好多錢呢...

你地呢..goal係咩?goal =入波?!

睇波..都係成班人好d既

到底係我問題定係佢問題呢
點解次次坐親車都會吵
次次都係同樣既問題
係佢eq低
定係我太緊張?
又唔見我坐其他人車有同樣既問題?

佢次次話會改..次次又係咁
永遠只會見到其他人既問題,從唔會諗係自己既問題

唉...

今晚食飯全家一齊睇波..好happy好high
我明白睇波都係要一班人睇先得
自己一個睇真係幾悶..成村人睇先有個mood架

聽日巴士玩工潮..我都係自己早d返工算
冇謂成日都係同一個原因唔開心

星期日之無聊日

尋日本來一心諗住食完lunch之後就返home rest下..點知小朋友叫到..就又做左保母喇
搞到岩岩頭先又要吸過塵..唉..
我發覺我都係enjoy自己一個既時間多d..雖然好玩好開心..但成日係咁都幾悶煩囉
=p
可能..唔係己出..就有分別啩

東涌旺左好多..好多人..nike.adidas既outlet都好多人..不過呢..nike既款式就好似從來都冇見過咁
而adidas既價錢仲好似貴過出面.咁因咩事我要買呢
最開心係開左間pacific..仲要好大..好正咁..而家我真係變左個pacific fans呀


本身上upload d相..點知個usb唔知做咩..sense唔到
唯有..是但upload一d冇關相喇..haha~

萬寧again

今朝一早去左pizza hut食早餐
$30..杯野飲都好大架..唔怪得都幾多人喇
不過..去既時候d 冷氣唔得...好熱

之後去左mannings.又黎喇..其實108都好易買咋
我其實仲要買complete架..放工去做野先..又有一份野.yeah..今日last day麻
另外又儲緊印花..我地全部同事已經幫手儲滿一張喇..now到我喇
yeah~~努力

(死..真係名副其實係一個C9)

今日做咩好呢..一見個天咁熱..就咩都唔想做..但係係home又唔知可以做咩wor..都幾矛盾

Lunch..你會做咩

今日一早就返公司..諗住朝早搞埋張paper趕9點俾courier..點知..未clear喇..咁咪算數囉.遲d先出喇
哼...12點..先有人同我講courier仲未黎pick up..可能今日送唔到d papers..有冇搞錯..又要我趕9點..點知人影都冇只
唯有快快手unpack再放埋張paper再pack..激死人
問同事可唔可以轉service..佢同我講..要用哂d coupon先得wor..之前見人平..買左..要用哂先..冇計喇..lowest bid麻..
我...

Lunch去pacific先..好正呀~~又係食mushroom&cheese 喇..今日飲iced mocha..天氣實在係頂唔順
我地都一致認為唔再去starbucks...pacific坐食service咩都好d喇
之後..就忙lu..首先去街市買細蚊仔波衫..上個week我同事先買100蚊3件..今日已經回落到$25件lu..可能下week..$100 10件tim呀
買完去左睇文具..用$15買左支白油..真係唔買唔得
其實我好多文具都係用私貨架喇..公司d白油..真係...仲用要加水個只呀~~~真係迫人用自己野姐

之後已經成點半有多..我地仲去埋百街..買seaweed買chips買..咩都買..
最經典係..上公司前再去多次mannings呀
哇..真係要上頭條囉..間shop勁多人..d貨..大部分都冇哂..好似執粒咁..好多人係門口等換禮物
車..我唔等呀..橫豎聽日係last day..一早返工去買..睇怕都有貨冇人喇

同日之第二回

有冇人一日寫幾個blog既呢
突然今日同個nf傾開cc..又諗返起我d nf..好多都冇contact lu..有個d..其實都幾耐history架..最耐既10年..最新既就...都成年wor...雖然好多人都話網上冇真心..不過..我所認識既又唔係真係咁差喇..at least..我都仲有幾個算係幾frd既nf喇

以前既日子..一返home就online..unlimited麻..當然唔客氣喇..當時仲未係icq既豐盛時期..仲係starzine既chatroom混混..之後去左cc..日日唔係玩five就係mj..都幾搞野架..我個名minna就係係個時開始喇
由cc開始要收錢後..變左主打icq..打打下由因為msn既icon太搞野..又變左msn..icq既list都已經冇人online lu..可能..個個都好似我咁invisible喇..haha~

好掛住我d frd呀
Starzine 既~~Quartz~~~wah23~~~randy
CC既 daniel~~~alex~~~waion~~adran
SHE既 boss~~water~~pang~~華仔~~~JJ
當然唔小得..會睇個blog既你喇~~~

p.s.唔睇返history link..都唔記得玩過icered..haha~~
死..唔通到我skst?定係人老冇腦呢

12號呀

以為自己今日可以得閒d,點知都要咁晏先可以寫blog
尋晚好叻咁清左2包阻住冰箱既野,一心諗住入magnum喇..唉..promotion冇左..我個死人12號呀~~



樓下mannings新開，同c9同事去掃貨。其實價錢冇平架，只係夠108有袋咩都有d既禮物包g ma =p

今晚自己食飯,好唔好試下大家快活呢
人人都返home睇世界杯..我就只可以睇live commentary同forum..睇怕16強開始我都要返呀媽度睇好d呀..

第一章

終於都寫blog喇
雖然其實唔係第一次寫..但自從上次既diary冇左..(人cheap用free account就會有咁既收場)..之後都冇再乖乖咁寫野lu~~
希望keep住寫下野喇

好
第一章要講d特別既野..就係..
近日係公司無聊時會做既野
1. 我呢..近來個outlook死左..唯有係公司睇ng喇..forum喇..(係wor..都成個week冇睇比我更無聊既golden)..chk mail喇咁
2.research下日本之行既野喇..其實都冇咩要re..不過..唔日日click下update下好似唔係好得咁
3.同d同我一樣冇野做既人msn喇...
4.去吹水喇
5.last but not least等放工~~~~

唔好以為我dayday都咁free4呀..上個月我簡直係連睇yahoo news既時間都冇呀!~~~
well..唔知free4既日子可以keep幾耐呢