近日的我

很久沒來了，公事上很多事要處理，回家之後又沒空閒時間上網‥

上星期五晚放工之後與同事去了上司的家中bbq。其實算不上bbq，應該是去吃私房菜，只不過地點是錦田一偏僻地方。上司家中有六只狗，全都是大狗，大狗的定義是超過100磅，身高近6尺的巨犬。他們其實很熱情很友善，並不是想像中可怕。
全晚我們有傾有講，說起公司的同事的以往‥
那晚真的很盡興，雖則已經是夜深，但大家也像不想離去一樣‥

動物傳心術

近日機緣巧合讓我接觸了兩位動物傳心師。
第一位是我上司的朋友，我問了她數個有關波仔的問題，回覆如下:

波仔想多一只狗陪她嗎?自己一個在家悶嗎?
喜歡什麼?喜歡坐車嗎?

波仔很斯文，他現在生活得很開心，當主人不在家時都不會覺得悶。若果多養多只他不會反對，因為小b跟其他狗狗都算合群，很善解人意，主人們可以考慮考慮 (斯文????)

第二位是從網上遇到的，回覆如下:
首先是的的:

1. 開心嗎?
唔係咁開心，眼又矇，臭覺無以前咁好(岩，不過其他人可能話老狗就多病架喇)

2. 有沒有病痛?眼睛看清我們嗎?
白矇矇喎，佢係咪有白內障架? (你最好帶佢睇醫生喎) 佢既體力亦都唔係太好bor! (對)

3. 因何每次有其他狗到訪他都會行開，收埋自己唔同佢地玩?
佢覺得自己好老，所以行開囉(er…)

4. 因他的生活好像只有食與訓，想知道多一點他的喜好和感受

你試下關心多d佢，花多少少心機同時間陪佢啦，錫多d佢，等佢唔好覺得年紀大就無人理~~ 你多d同佢傾計講野，佢會聽得明架! 我都開解過佢架啦，叫佢唔好咁無心機，你都要努力呀! (er…)

佢好似幾鍾意食蘋果bor!(佢咩生果都食，不過我冇同個人講佢係咩都食..仲要係好like食生果)

之後是波仔:
1.生活得開唔開心呀
開心(hehe)

2.鍾唔鍾意媽咪(即係我)成日同佢著衫衫，買衫衫俾佢

無所謂(好野，又可以買衫)

3.最like去邊玩架(因為好多時我地見天氣熱，都只係同佢遊車河，冇落地，唔知佢真係like唔like架，會唔會悶囉)

如果有得落地就梗係好啦, 不過無都好過無(…)

4.你問下佢自己一個係home會唔會好悶好想有多只狗狗陪佢呀?(我地要返工，不過一放工就返去陪佢架，夜晚都唔出街架)

唔悶, 我有玩具俾我咬(又唔悶，不過，我唔係成日留玩具俾佢wor)

5.有冇咩病痛同唔開心既野架?

無野唔開心(haha)

你地係咪成日攞住個波, 個波都幾大個, 佢就望住個波跟住你架, 仲有係咪有個圓形既玩具俾佢咬架, 佢都幾開郎活潑，都唔會唔開心既! 仲有佢係咪有件藍色間條衫架? (好準，因為佢呢幾日都係著件藍色間條衫仔訓覺。)

6.個波呢....圓形野..可能係d公仔..有只套係手既公仔..我地成日同佢玩
你見唔見到係咩色架?

我見到有部份係紅色，有部份係粉紅色 (個玩具我諗左好耐係邊樣，不過其實波仔成日同我地玩公仔，玩咬野，所以其實都岩)

7.其實我想請問你呢..佢知唔知我同佢影相架，因為我次次一同佢影，佢就去咬玩具，唔坐定定..好似知道我要影佢咁架

你有無試過用閃光燈閃親佢，佢話你楂親都無好野，我問佢唔用閃光燈可唔可以同佢影，睇下到時點啦~~
咁如果你地下次同佢影相，你話俾佢聽閃燈唔會閃架，不過唔好扼佢喎! (呢樣真係唔明，可能佢覺得我次次影都要著衫搞呢樣個樣，所以唔開心)

以下是有關chin chin的:
1.鍾意住而家個度?定同的的一齊住呀?

佢同的的好似唔係好friend之喎，佢知道的的身體唔係咁好，但又無乜特別掛住喎! (呢個好準，佢地既關係非常一般)

2.而家住個度開唔開心架?同d小朋友相處好唔好呀?

係咪有個細路仔同佢玩架平時, 太約4-5歲到，佢都幾開心，有人理下佢 (雖然唔係4-5歲，不過可能個身形似，haha)

3.身體有冇唔舒服呀?

身體都無咩，只係無以前咁活躍 (呢樣岩，不過我有再問佢只腳有冇事)

4.鍾唔鍾意波仔去探佢架?

都ok既，無特別興奮 (都幾岩，at least佢唔似的的咁收埋自己)

5.有冇其他野想同我地講架?

佢話想食骨，係之前買過既骨 (呢樣真係諗唔到‥)

總結:

我其實不知道他們如何只用一張相片就可以溝通，我只知道是以圖像聯絡的，所以有時是依賴傳心師對圖像的解釋，即好像tarot一樣。

可能因為第二個傳心師是初學者，所以她會解釋得比較詳盡和有耐性，希望去測試自己的準確度。

問我知道之後又如何? hmm
1. 對的的好些，因為其實我知道，他是不開心的
2. 波仔不須要狗狗陪伴
3. chinchin可能因為的的，所以不特別喜歡去媽媽家。
4.會繼續買衫予波仔

Starzine

無意間見到一個網友的舊homepage記下自己曾經是starzine的常客，又令我想起以往的事。
第一次識網友，第一次有cyberlover，第一次收e-card，第一次上chatroom，都在starzine發生。當年還未流行icq，記得用eudora收發email，用powow chat，那時，真的很開心。每一晚放學第一件事就是上網，14.4k年代開始，由starzine的hyoung到cybercity的minna，認識了很多很多朋友，雖然，大部份已經沒聯絡了。但我仍然記得當時我們每日私開的chatroom‥
Randy..Quartz..Wah23..你們好嗎?
Quartz應在上星期剛過了生辰，Happy Birthday 呀~與太太生活愉快嗎?

SPA Master?

世事無絕對，又一次證明F1的世界未過chequed flag都未知結局。
當kimi由第三升上第一，一直帶頭，到最後兩個圈，因為雨勢加大，就由hero變zero‥
心情...一落千丈‥

怡苑

估不到，連怡苑都會離開。
我最愛的炸魷魚，從此就不能再吃了‥
______